प्रदेश के राजस्व न्यायालय मन म चार मई के बाद होही सुनवाई, राज्य सरकार ह जारी करिस आदेश

जय जोहार…. कोरोना वायरस के संक्रमण के रोकथाम अऊ नियंत्रण बर तीन मई तक लॉकडाउन लागू करे गे हे। एला देखत हुए छत्तीसगढ़ सरकार ह प्रदेश के सबो राजस्व न्यायालय मन म लंबित प्रकरण के सुनवाई चार मई या एखर बाद रखे के निर्देश जारी करे हे।

एखर पहिले 29 अप्रैल या एखर बाद सुनवाई करे के तारीख निश्चित करे गे रहिस। अब राजस्व विभाग के तरफ ले सबाे राजस्व अधिकारी मन ल राजस्व प्रकरण के अंतर्गत अवइया पेशी के तारीख चार मई या एखर आघू के तारीख ल रखे जाए के निर्देश दे गे हे।

ए संबंध म राजस्व विभाग के सचिव रीता शांडिल्य ह राज्य के सबो संभागायुक्त, कलेक्टर, अनुभागीय अधिकारी (राजस्व) अऊ सबो पीठासीन राजस्व अधिकारी मन ल आवश्यक कार्यवाही सुनिश्चित करे के निर्देश जारी करे हे।