ये वजह ले होइस श्रम मंत्री के हेलीकॉप्टर के इमरजेंसी लैंडिंग

कोरबा। प्रदेस के श्रम मंत्री भैयालाल राजवाड़े के हेलीकॉप्टर के इमरजेंसी लैंडिंग करवाय गिस। ये इमरजेंसी लैंडिंग के पाछु के कारन हेलीकॉप्टर म आय ईंधन के कमी अउ टेक्निकल फॉल्ट रहिन हे। ईंधन भरवाय बर हेलीकॉप्टर के लैंडिंग करवाय गिस।
मिले जानकारी के मुताबिक हेलीकॉप्टर के इमरजेंसी लैंडिंग बालको के रुमगड़ा एयर स्ट्रिप म होइस। ये हेलीकॉप्टर म श्रम मंत्री भैयालाल राजवाड़े के संग भाजपा के प्रदेस अध्यक्छ धरमलाल कौशिक अउ गृह निरमान मंडल के अध्यक्छ भूपेंद्र सवन्नी मवजूद रहिन हे। सबो रविवार के रायपुर ले झारखंड के बाबा धाम देवघर जाय बर निकलिस हे।
सूचना म बालकोनगर थाना प्रभारी ह सभी नेता मन ल बालको गेस्ट हाउस ले गिस, जिहां तीन नेता मन ह विश्राम करिन। जब बीजेपीकारय करता मन ल ये बात के जानकारी मिलीस त उमन ह अपन नेता मन के स्वागत बर हेलीपैड पहुंचिन। अउ उंखर स्वागत करिन। हेलीकॉप्टर म ईंधन का भरावाय के बाद मंत्री अपन यात्रा बर दुबारा रवाना होइस।