दिल्ली. फास्ट फूड के बात कर जाय त हमार देस म फास्ट फूड के त जादातर लोग ही दीवाना हे… कुछु लोगन त फास्ट फूड के जरिए ही अपन पेट भरत हवय. वइसे त पिज्जा हर देश म लगभग आसानी ले मिल ही जाथे., लेकिन हम आप मन ल ल एक अइसे देस के बारे म बतावत हन. जिहां लोग फ्लाइट ले दूसर देस ले पिज्जा ऑर्डर करके मंगावथे.
जी हां, नाइजीरिया म कुछ अमीर लोगन अपन स्टेटस सिंबल दिखाए बर 6440 किलोमीटर दूर लंदन ले पिज्जा मंगावथे. इहां के अमीर लोग रात म पिज्जा ऑर्डर करथे अउ ये पिज्जा बिहनिया म आ जाथे. ये पिज्जा ल बिहनिया ब्रिटिश एयरवेज के फ्लाइट नाइजीरिया लेके आथे. ये बात ल लेके इहां के कृषि मंत्री ओदू ओगबेह ह कड़ी निंदा घलो करिस हे.
उमन कहिन के, ‘नाइजीरिया के अमीर लोगन अपन स्टेटस सिंबल दिखाए बर लंदन ले पिज्जा मंगावत हे. लेकिन नाइजीरिया के अमीर लोगन मन के ये रवैया बिल्कुल सही नईए.कृषि मंत्री ह ये बात के खुलासा नाइजीरिया के राजधानी अबूजा म सीनेट एग्रीकल्चर कमेटी के बइठक म करिस हे. उमन बताइन के, नाइजीरिया जादा सामान के व्यापार बाहिर ले मांगवा थे. लेकिन अमीर लोगन के ये रवैया बिल्कुल भी सहीं नईए.
Other Articles
