bilaspur: हाईकोर्ट जज अऊ कलेक्टर के रिपोर्ट ह आय हे कोरोना पाजिटिव

जय जोहार…. बिलासपुर (bilaspur) म कोरोना संक्रमित मन के संख्या ह सरलघा बाढ़त जावत हे। बुधवार के हाईकोर्ट के जज एसकेएस सावंत अऊ कलेक्टर सारांश मित्तर कोरोना संक्रमित पाय गे हे। कोरोना के प्राथमिक लक्षण दिखे के बाद दुनो ह अपन कोरोना टेस्ट कराय रहिस, जेखर रिपोर्ट ह आज पाजिटिव आय हे।
(bilaspur) कलेक्टर सारांश मित्तर ह मंगलवार रात के बुखार आय के बाद आज बिहिनिया कोरोना जांच करइस, जेमा कलेक्टर ह पाजिटिव पाय गे हे। कोरोना संक्रमित मिले के बाद कलेक्टर ह होम आइसोलेशन म रही।
बता दन कि बिलासपुर (bilaspur) जिला म कोरोना संक्रमित मन के संख्या ह 1407 पहुंच गे हे। जेमा ले 466 एक्टिव मामला हे। उहचे 932 लोगन मन ह बने होय के बाद अपन घर लहुट चुके हे। ए वायरस ले जिला म 9 लोगन मन के मौत हो गे हे।