mahasamund : अछरीडीह-अछोली रद्दा म पांच करोड़ रुपिया ले बनही पुल, संसदीय सचिव ह करीन निर्माण काम के सुभारंभ

जय जोहार । महासमुंद (mahasamund) जिला के कोडार नाला म अछरीडीह-अछोली रद्दा म उच्चस्तरीय पुल निर्माण काम के संसदीय सचिव अउ विधायक विनोद सेवनलाल चंद्राकर ह सुभारंभ करीन। ए पुल के निर्माण ल पांच करोड़ रुपिया ले करे जाही।

गौरतलब हे कि (mahasamund) संसदीय सचिव अउ विधायक विनोद सेवनलाल चंद्राकर के परयास ले पुल निर्माण बर पांच करोड़ 12 लाख 96 हजार रुपिया के रासि के स्वीकृति मिले हे। शुक्रवार के ग्राम पंचायत अछरीडीह म पुल निर्माण के सुभारंभ समारोह के आयोजन करे गे रिहीन । कार्यक्रम के मुख्य अतिथि संसदीय सचिव अउ विधायक विनोद सेवनलाल चंद्राकर रिहीन ।

ए अवसर म संसदीय सचिव श्री चंद्राकर ह किहीन कि कुछु महीना म इंहा उच्चस्तरीय पुल बनके तइयार हो जाही । इंहा पुल निर्माण होय ले आवागमन म सुविधा होही । वोहा किहीन कि ग्रामीण क्षेत्र म सिक्षा, स्वास्थ्य, पेयजल, सिंचाई, सड़क, बिजली समेत मूलभूत सुविधा उपलब्ध कराए जावत हे । क्षेत्र म द्रुत गति ले सबो क्षेत्रों म विकास होवत हे ।

कार्यक्रम म प्रमुख रूप ले सचिन गायकवाड़, संतराम बंजारे, लीलू साहू, प्रेमलाल साहू, हरिशंकर साहू, केशव साहू, लक्ष्मण पटेल, कौशल पटेल, गणेश ध्रुव, जीवन पटेल, दोना राम निषाद, गोपाल निषाद, भानूप्रताप सोनवानी, लक्ष्मण पटेल, राजेश साहू, राधेश्याम साहू मौजूद रिहीन ।