प्रमोशन के आरक्षण म हाईकोर्ट के स्टे बरकरार, राज्य सरकार ह जवाब दे बर मांगिस अऊ समय

जय जोहार बिलासपुर…. प्रमोशन म आरक्षण के मामला म शासन ह हाईकोर्ट ले जवाब दे बर समय मांगिस हे। ये मामला म हाईकोर्ट के रोक जारी हे। एस संतोष कुमार के दायर याचिका म चीफ जस्टिस के डिवीजन बेंच म सुनवाई होइस।

बता दन कि राज्य शासन ह छत्तीसगढ़ लोक सेवा (पदोन्नति) नियम म संशोधन के अधिसूचना अऊ पदोन्नति म आरक्षण बर रोस्टर जारी करे रहिस। अधिसूचना के मुताबिक पदोन्नति म अब अनुसूचित जाति के शासकीय सेवक मन ल 13 प्रतिशत अऊ अनुसूचित जनजाति के शासकीय सेवक मन ल 32 प्रतिशत आरक्षण दे बर के बात कहे रहिस, लेकिन एखर खिलाफ लगाए गिस याचिका के सुनवाई करत हुए हाईकोर्ट ह स्थगन दिस हे।