टाटीबंध चउक म 57 दुर्घटना मन के बाद जागिस पुलिस

राजमार्ग प्राधिकरन ल नोटिस भेज चउक ल तोड़े बर कहिस

रायपुर. सहर के टाटीबंध चउक म आए दिन होवत दुर्घटना के वजह ले लोगन के होवत मउत म पुलिस ह राष्ट्रीय राजमार्ग प्राधिकरण (NHAI)ल नोटिस जारी करिस हे. पुलिस ह एनएचआईए ले चउक ल तोड़ के नवां सिरा ले निरमान करे बर कहिस हे.

आमानाका थाना प्रभारी ह सीआरपीसी के धारा 133 के तहत एनएचएआई के महाप्रबंधक ल नोटिस जारी कर बताइस के, दुर्ग-भिलाई ले रायपुर तक के फोरलेन के टाटीबंध चउक म दू लेन होए के वजह ले यातायात के दबाव बढ़े ले आए दिन दुर्घटना होवत हे.

टीआई ने बताइन के, जनवरी 2018 ले मार्च 2019 तक चउक निरमन ले 57 दुर्घटनाएं हो चुके हे. जेमा 13 के मउत अउ 28 घायल होइस हे. येखर संग बड़का संख्या म छोटे-बड़े वाहन क्षतिग्रस्त घलो होइस हे. थाना प्रभारी ह सुप्रीम कोर्ट के गाइन लाइन के हवाला देवत हुए टाटीबंध चउक के तोड़ के फेर ले बनाए हर कहे. ये दिशा म कार्रवाई नई होय म कानूनी कार्यवाही के चेतावनी दे गिस हे.