जेल म अब हाईटेक मॉनिटरिंग सिस्टम ले निगरानी

रायपुर। प्रदेश भर के जेल म अब हाईटेक मॉनिटरिंग सिस्टम ले निगरानी राखे जाही। जम्मो जेल म लगे सीसीटीव्ही कैमरा ल अब इंटनेट ले जोड़े के तइयारी करे जात हे। जेल डीआईजी ह बताइस कि जम्मो जेल के मेन गेट के विजुअल हमर कना हर रोज सीडी म आथे। फेर कउनो भी तरह के गड़बड़ी के सूचना म ओ जम्मो सीडी ल खोजे अऊ तुरंत देखना संभव नइ रहय। जम्मो जेल के सीसीटीवी ल इंटनेट ले जोड़के हेडक्वार्टर म एक कंट्रोल रुम घलो तइयार करे जात हे। जेकर ले जम्मो जेल के लाइव स्थिति उपर नजर राखे जा सकही।