गृहमंत्री ताम्रध्वज साहू ह करिन उत्कृष्ट कार्य बर पुलिस टीम ल सम्मानित

जय जोहार…. गृहमंत्री ताम्रध्वज साहू ह बेमेतरा जिला के पुलिस अधीक्षक अउ जवान मन के तरफ ले अपराध के रोकथाम, अपराध अन्वेषण अउ खोजबीन के नवा तकनीक उपयोग करे बर सम्मानित करे हे।

गृहमंत्री साहू ह आज अपन निवास कार्यालय म पुलिस अधीक्षक दिव्यांग पटेल अउ ओखर टीम ल शील्ड अउ शॉल दे के सम्मानित करिस। ए दौरान विधायक आशीष छाबड़ा घलो उपस्थित रहिस।
ए अवसर पर गृहमंत्री साहू ह एसपी ल अपराध म नियंत्रण रखने, शहर के मुख्य चौक-चौराहा म सीसीटीवी कैमरा लगाय अउ बेमेतरा म पुलिस कंट्रोल रूम बनाय अउ तीन पाली म 24 घंटा कर्मचारी मन के ड्यूटी लगाय के निर्देश दे हे।