गृहमंत्री ताम्रध्वज साहू ह रायगढ़ एसपी ल करिन सम्मानित

जय जोहार…. प्रदेश के गृहमंत्री ताम्रध्वज साहू ह अपन निवास म रायगढ़ एसपी संतोष सिंह ल सम्मानित करे हे। एसपी ल ए सम्मान तीन जुलाई के एटीएम कैश वैन म होइस लूट के गुत्थी ल 10 घंटा म सुलझाय अउ अपराधी मन ल गिरफ्तार करे म करे गे हे।
बता देन कि तीन जुलाई के रायगढ़ के करोड़ीमन नगर आजाद चौक स्थित एसबीआई के एटीएम म पैसा डाले ल आय वैन के चालक अउ गार्ड ल गोली मार के 14.40 लाख के लूट होय रिहिस। ए घटना ल अंजाम देवइया दू पेशेवर आरोपी मन ल रायगढ़ पुलिस ह वारदात के 10 घंटा के अंद पूरा रकम के संग गिरफ्तार करे म सफलता हासिल करे रिहिस।