जय जोहार…. (Raipur ) प्रदेस के गृहमंत्री ताम्रध्वज साहू ह 26 जनवरी गणतंत्र दिवस के अवसर म प्रदेस वासी मन ल बधाई अउ सुभकामना दीन हे। गणतंत्र दिवस के पूर्व संझा म जारी अपन बधाई संदेस म गृहमंत्री श्री साहू ह किहीन कि आज के दिन संविधान म समाहित आदर्स, मूल्य अउ हमर मन के कर्तव्य के प्रति अपन प्रतिबद्धता सुनिश्चित करे के दिन हे। ए गौरवान्वित दिवस म हमन ल मिलके देस म एकता, शांति, समरसता अउ सामाजिक सौहार्द बर एकजुट रहने के संकल्प लेना चाही।
गृहमंत्री श्री साहू ह किहीन कि हमर सरकार ह 3 बच्छर पूर्व आधुनिक छत्तीसगढ़ के नव निर्माण के जेन प्रण ले रिहीन, ओ पथ म हमन ह संकल्पबद्ध होके निरंतर, समाज के हरेक वर्ग के उत्थान करत हन । (Raipur ) गृहमंत्री श्री साहू ह किहीन कि मुख्यमंत्री भूपेश बघेल के नेतृत्व म हमर मन के सरकार ह प्रदेस के सांस्कृतिक, भौगोलिक अउ सामाजिक परिवेस ल समृद्ध बनाय अउ विकास काम ल जन-जन तक पहुंचाय के काम ल निरंतर करत हे ।
