जय जोहार…. हैदराबाद ले राजनांदगांव अवइया श्रमिक स्पेशल ट्रेन ह आज बिहनिया राजनांदगांव पहुंचीन। जिहां राजनांदगांव अऊ कवर्धा जिला के मजदूर ह स्टेशन म उतरिन। ए दौरान जिला प्रशासन के टीम ह बिहनिया ले मुस्तैद अऊ स्वास्थ्य अमला घलो लगातार अपन काम करत रहिस। मजदूर मन के स्वास्थ्य परीक्षण के बाद सब्बो मजदूर मन ल क्वारेंटाइन सेंटर भेजे गे हे। ट्रेन ले उतरे के बाद सब्बो मजदूर मन के रेलवे स्टेशन म पंजीयन करे गिस। ओखर पूरा पता के संग रजिस्टर म नाम ल नोट कराय गिस। जेखर ले मजदूर मन ल कइसनहे दिक्कत या जिला प्रशासन ल जानकारी लेना हो, त ये काम ह सरल हो सके।
करीब डेढ़ सौ ले जियादा मजदूर ह राजनांदगांव रेलवे स्टेशन म पहुंचीन, जिहां ओ मन ल ओखर गंतव्य स्थान तक पहुंचाये बर जिला प्रशासन के तरफ ले निजी बस के सहयोग ले गिस। सुरक्षा व्यवस्था के बीच मजदूर मन ल क्वारेंटाइन सेंटर पहुंचाये गिस। मजदूर मन के संग लईका अऊ महिला मन घलो सामिल रहिस।
No Comment! Be the first one.