बेमौसम बारिश अऊ ओलावृष्टि ले हो गिस बागवानी फसल बर्बाद, बीमा क्लेम बर उद्यानिकी विभाग ह जारी करिस हेल्पलाइन नंबर

जय जोहार रायपुर…. प्रदेश म बीते दिनों होइस बेमौसम बारिश अऊ ओलावृष्टि ले बागवानी फसलों के नुकसान म किसान बीमा कंपनियों ले दावा कर सकत हे। एखर बर उद्यानिकी संचालनालय के तरफ ले हेल्पलाइन नंबर जारी करे गे हे। विगत दो-तीन दिन म राज्य के अलग-अलग जिला म असामयिक बर्षा अऊ ओलावृष्टि ले उद्यानिकी फसलों ल क्षति होइस हे।

उल्लेखनीय हे कि राज्य म उद्यानिकी फसलों बर पुनर्गठित मौसम आधारित फसल बीमा योजना लागू हे। ये योजना के अंतर्गत वर्तमान अवधि म कवर होए वाले अधिसूचित उद्यानिकी फसल केला, पपीता, मिर्च, टमाटर, बैगन, फूलगोभी, पत्तागोभी, प्याज अऊ आलू म बेमौसम वर्षा अऊ ओलावृष्टि ले क्षति बर क्षतिपूर्ति दिए जाना के प्रावधान हे।

राज्य म उद्यानिकी फसलों के बीमा बर मेसर्स बजाज एलायंस जनरल इंश्यूरेंस कंपनी ल अधिकृत करे गे हे। अधिसूचित फसलों के उत्पदान करइया कृषक, जेखर तरफ ले अपन फसल के बीमा कराए हो अऊ ओखर फसल ल ओलावृष्टि ले नुकसान हो गे हे, वो 72 घंटा के भीतर बीमा कंपनी ल ओखऱ् टोल फ्री नंबर म सूचित कर सकत हे। एखर अलावा क्षति के सूचना कृषक अपन संबंधित बैंक, स्थानीय उद्यानिकी विभाग जिला अधिकारी ल घलो दे सकत हे।