कांकेर। कुछ दिन पहिली पखांजूर ले 40 किलोमीटर दूर सितरम गांव म चार झन लईका मन के मउत हो गे। ये मामला म स्वास्थ्य विभाग के लपरवाही के बात आघू आए रिहिस। मामला ल लेके खबर प्रकाशित होय के बाद प्रशासन ह हरकत म अईस अउ अब गांव म शिविर लगाए हे, ताकि लईका मन के मउत कोन वजह ले होय रिहिस एखर जानकारी मिल सकय अउ अन्य पीड़ित मरीज मन के बेहतर इलाज करे जा सकय। वनाचंल के ये गांव ह घोर नक्सल प्रभावित हे।
नदिया म पुल नई होय के कारन इहां के लोगन ल जरूरत के सामान लाए बर डोंगा के सहारे नदिया ल पार कर दूसर गांव जाए ल पड़थे। फेर दू महीना ले लगातार तेज बरसा होवत रिहिस जेन ह गांव वाले मन बर परेशानी के सबब बने रिहिस। इही सब दिक्कत के चलते इलाज के अभाव म 4 झन लईका मन के मउत हो गे।
No Comment! Be the first one.