पुलिस कस्टडी म मौत मामला म गरमाइस सदन, विपक्ष ह कृष्णा सारथी अऊ पंकज बैग के मौत म सरकार ल घेरिस

जय जोहार रायपुर….पुलिस कस्टडी म मौत मामला के जांच विधानसभा के कमेटी करही। भाजपा विधायक बृजमोहन अग्रवाल के सवाल म विधानसभा अध्यक्ष चरणदास महंत ह जांच बर निर्देश दिस। आज सदन म पुलिस कस्टडी म सूरजपुर म कृष्णा सारथी, पंकज बेग के मौत के मामला उठिस।

सदन म मंत्री ह पंकज बेग के आत्महत्या ल पुलिस कस्टडी म मौत नई कहिस। बताए गे हे कि पंकज बेग ह दूसर जगह आत्महत्या करे रहिस, इसलिए एला पुलिस कस्टडी म मौत नई कहे जा सकत। विपक्ष ह ये जवाब म ऐतराज जताइस। विपक्ष के आरोप रहिस कि ये मामला म एफआईआर दर्ज करे गे रहिस, गिरफ्तारी घलो होइस।

ऊहचे कृष्णा सारथी के मुद्दा म विपक्ष के कहना रहिस कि दबाव म कृष्णा सारथी ल बिना कोनो अपराध पंजीकृत करे थाना लाए गिस, ओखर पिटाई करे गिस।  विपक्ष ह ये प्रकरण के जांच विधानसभा के कमेटी ले कराए के मांग करिस, जेखर चलत विधानसभा अध्यक्ष चरण दास महंत ह कहिन कि एखर जांच विधानसभा कमेटी ले कराए जाही।