जय जोहार। (Raipur) छत्तीसगढ़ राज्योत्सव 2022 के अवसर म राजधानी रईपुर के साइंस कॉलेज मैदान परिसर म आवास एवं पर्यावरण विभाग अंतर्गत लगाए स्टॉल ह मनखे मन ल खूब लुभावत हे । एमा छत्तीसगढ़ गृह निर्माण मंडल के प्रदर्शनी अंतर्गत ‘निर्माण लागत म घर योजना‘ म मनखे मन डहार ले विसेस रूचि दिखाये जावत हे । अइसने छत्तीसगढ़ पर्यावरण संरक्षण मंडल के प्रदर्शनी म प्रवेश द्वार म ही सिंगल यूज प्लॉस्टिक म प्रतिबंध के संदेस ल आकर्षक ढंग ले दे जात हे ।
स्टॉल के प्रवेश द्वार म ही बड़का आकर्षक ढंग ले ये लिखे गेहे कि सिंगल यूज प्लास्टिक म 01 जुलाई 2022 ले प्रतिबंध लगा दे गेहे । सिंगल यूज प्लास्टिक ले बने जेन वस्तु म प्रतिबंध लगाये गेहे , ओखर घलो चित्र बनाके उल्लेख करे गेहे । महत्वपूर्ण बात ये हे कि मण्डल के पूरा प्रदर्शनी डिजिटल हे । डिजिटल म ही मण्डल के कार्यकलाप, उपलब्धि, योजना अउ विभिन्न बिसय म चलाये जावत जन-जागरूकता अभियान ल दर्शाये गेहे ।
No Comment! Be the first one.