बांग्लादेशी युवती जल्दी ही अपन घर बांग्लादेश जाही

बिलासपुर । शहर के उज्जवला होम्स म 11 महीना ले रहत बांग्लादेशी युवती जल्दी ही अपन घर बांग्लादेश जा सकत हे। 11 महीना बाद बांग्लादेश उच्चायुक्त ह ओला वापस लेहे बर अनुमति के संग ही ट्रेवलिंग पास जारी करिस हे। बछर 2017 म ज्ञानेश्वरी एक्सप्रेस ले ये बांग्लादेशी युवती के संग मुर्शिदाबाद निवासी संटू शेख ल गिरफ्तार करे रहिस। पुलिस के आगु युवती ह संटू शेख उपर यौन सोसन समेत कई आरोप लगाइस। एडिशनल SP ह बताइस कि पूरा मामला मानव तस्करी के हे। युवती ल नउकरी के झांसा देके भारत बुलाया गिस अऊ जबर्दस्ती जिस्मफरोसी के धंधा म धकेल दे गिस। युवती के मांग ल सरकार ह मान लिस अऊ अब ओहर अपन घर वापस जा सकही। जबकि ये पूरा मामला ल लेके सरगना अऊ दूसर आरोपी मन के खोज करे जात हे।