पीएम मोदी ह विपक्षी मन ल बता दिस के काम कइसे करे जाथे: बृजमोहन

भारत के निरमान बर हां, मैं भी चौकीदार हूं अभियान ल जन-जन तक पहुंचाना हो ही. सुभाष राव
रायपुर. भारतीय जनता पार्टी देसभर म अइसे वर्ग जेखर विचार मन के समाज म अपन अलग महत्व हे, ओ वर्ग मन के बीच बुद्धिजीवी सम्मेलन आयोजित करत हवय. कोरबा म सफल आयोजन के बाद रविवार के राजधानी रायपुर स्थित मेडिकल कालेज सभागार म भाजपा के रायपुर कलस्टर (रायपुर शहर, रायपुर ग्रामीण, बलौदाबाजार, गरियाबंद, महासमुंद, धमतरी, भिलाई, दुर्ग, बेमेतरा, राजनांदगांव, कवर्धा) म बुद्धिजीवी सम्मेलन होइस.

बुद्धिजीवी सम्मेलन कार्यक्रम के मुख्य अतिथि पूर्व मंत्री विधायक बृजमोहन अग्रवाल ह एकात्म मानववाद के जिक्र करत हुए कहिन के, प्रधानमंत्री नरेन्द्र मोदी ह बता दिस के, जे काम ए देस म 60 बछर राज करइया मन नई कर पाइस. वो ह कार्य 5 बछर म सफलतापूर्वक कइसे हो थे. बीते 15 बछर म छत्तीसगढ़ म हमन ऐतिहासिक विकास कार्य करके दिखाय हन. हम सबो ल समझाना हो को, भारत ल यदि विश्वगुरु बनाना हो, नवा भारत बनाना हे त ये काम केवल नरेन्द्र मोदी ही कर सकत हे.

सम्मेलन के मुख्य वक्ता पूर्व मंत्री प्रेमप्रकाश पाण्डेय ह देसश के निर्माण, देस के दिसा अउ दशा ल तय करे बर लोकतंत्र के महापर्व म सम्मिलित होए के संग-संग अधिक ले अधिक लोगन ल मतदान बर प्रेरित करे के अपील बुद्धिजीवी वर्ग मन ले करिन. कार्यक्रम क अध्यक्षता करत हुए सुभाष राव ह कहिन के, अइसन तमाम ताकत जे देस विरोधी हे, ए देस के अहित चाहत हे. उंखर खेलाफ लड़ाई म हम सबो ल पीएम मोदी के साथ देना हो ही। देस के विकास बर नवां भारत के निरमान बर हां, मैं भी चौकीदार हूं अभियान ल जन-जन तक पहुंचाना हो ही.

कार्यक्रम के संयोजक सच्चिदानंद उपासने ह बुद्धिजीवी सम्मेलन के उद्देश्य उपर प्रकाश ढालत हुए कल अउ आज के भारत म तुलनात्मक अंतर बतात हुए कहिन के, मोदी के नेतृत्व म भारत विकास के नवा कीर्तिमान स्थापित करत हुए विश्वगुरु बने के ओर अग्रसर होवत हे.

कार्यक्रम के सह संयोजक संजय श्रीवास्तव ह नवा भारत के संकल्प के संग कार्यक्रम के आभार व्यक्त करत हुए नरेन्द्र मोदी के मैं हूं चौकीदार हूं अभियान ले जुड़े के आह्वान करिन. मंच- संचालन अवधेश कुमार जैन ह करिस।