निर्देशक उत्तम तिवारी के संगीतमय प्रेम कहानी हे , आई लव यू टू

आई लव यू के सफलता के बाद निर्देशक उत्तम तिवारी ह आई लव यू टू बना डारे हे ये फिलिम ह अगस्त माह म आ सकत हे , निर्माता लखी सुंदरानी अउ सह निर्माता अमित असरानी ह ये फिलिम ल प्रोड्यूस करे हे।

आई लव यू टू म मन कुरैशी अउ मुस्कान के जोड़ी एक बार फेर नजर आही, निर्देशक उत्तम तिवारी ह गीत संगीत म घलोक पकड़ रखथे तेखर सेती ये फिलिम ल वो ह संगीतमय प्रेम कहानी के रूप म प्रस्तुत करत हे।

कई साल ले फिलिम लाइन म सक्रिय उत्तम तिवारी के नाम मितान 420 अउ आई लव यू जईसे फिलिम हावे जेला दर्शक मन खूब पसंद करे हे , ये फिलिम म संगीत दे हे सूरज महानंद ह । कांकेर के हसीन वादी म फिल्मांकन होय ये फिलिम सुंदरानी प्रोडक्शन हाउस के बैनर म बने हे

। एखर कैमरामैन तोरण राजपूत हवय जेन ह बड़ अकन फिलिम म सिनेमाटोग्राफी करे हे। गीत के नृत्य निर्देशन चंदनदीप, निशांत उपाध्याय अउ दिलीप बैस मन करे हे। बता दन कि ये साल बड़ अकन फिलिम अवैया हे जेमा आई लव यू टू ले सब ल बहुत उम्मीद हे।