corona: प्रदेश म आईएएस अफसर ल कोरोना, सीएमएचओ ह करिन पुष्टि

जय जोहार…. छत्तीसगढ़ म कोरबा जिला के एक आईएएस अफसर ह कोरोना (corona) पाजिटिव पाय गे हे।

आईएएस अफसर म कोरोना संक्रमण के पुष्टि होय के बाद ओला कोविड 19 अस्पताल म भर्ती कराय गे हे।

एखर पहिले दू आईपीएस अफसर घलो कोरोना संक्रमित पाय गे रिहिस।

बता देन कि 2014 बैच के आईएएस अधिकारी ह हाल म दुर्ग ले ट्रांसफर हो के कोरबा म पदस्थ होय हे। ए अधिकारी ह जरूरी काम ले हाजीपुर गे रिहिस अउ दू दिन पहिले सात अगस्त के कोरबा लहुटे रिहिस।

जेखर बाद ओखर (corona) सैम्पल जांच बर रायगढ़ के मेडिकल कालेज के लैब म भेजे गे रिहिस। आज ओखर रिपोर्ट ह (corona) पाजिटिव आय हे। जिला के सीएमएचओ डॉ बीबी बोडे ह एखर पुष्टि करे हे।