धारा 370 ल निष्क्रिय करे म छत्तीसगढ़ के एक आईएएस अफसर के हे अहम भूमिका

रायपुर। जम्मू कश्मीर म लागू धारा 370 ल निष्क्रिय म छत्तीसगढ़ के एक आईएएस अफसर के बहुत ही खास भूमिका हे। वो आईएएस अफसर ह एक साल पहिली ही एखर सब्बो रूपरेखा ल तैयार कर ले रिहिस। वो अफसर के नाम हे बीवीआर सुब्रह्मण्यम। छत्तीसगढ़ काडर के 1987 बैच के आईएएस अफसर सुब्रह्मण्यम ल अपन काम के वजह ले यूपीए अउ एनडीए दूनों ही सरकार म अहम रूतबा हासिल रिहिस। उंहे एनएसए अजीत डोभाल ले घलो उंखर बहुत नजदीकी संबंध हे। इखर संगे-संग प्रधानमंत्री नरेन्द्र मोदी अउ अमित शाह के विश्वास जीते म सुब्रमण्यम ह सफल रिहिन। इही कारण ले ओला जम्मू कश्मीर के मुख्य सचिव बनाए गे हे अउ वो ह अनुच्छेद 370 ल निष्क्रिय करे म अहम भूमिका निभईस हे।