ICAR ह कृषि विश्वविद्यालय के रैंकिंग ल करिन जारी, इंदिरा गांधी कृषि विश्वविद्यालय रायपुर ल मिले हे 23 वां स्थान

जय जोहार….  इंडियन काउंसिल ऑफ एग्रीकल्चरल रिसर्च (ICAR) ले कृषि विश्वविद्यालय के रैंकिंग जारी करे गे हे। एमा इंदिरा गांधी कृषि विश्वविद्यालय रायपुर ल 23वां स्थान मिले हे। पिछिले साल विश्वविद्यालय ह देश म 10वां स्थान म रिहिन।

आईसीएआर (ICAR) ह पिछिले तीन साल ले देश भर के कृषि विश्वविद्यालय के रैंकिंग करत हे। ए बार देश भर म करीब 67 कृषि विश्वविद्यालय के रैंकिंग करे गे हे। एमा इंदिरा गांधी कृषि विश्वविद्यालय ल 23वां स्थान मिले हे। साल 2016-17 म जब आईसीएआर (ICAR) ले पहिली रैंकिंग दे गे रिहिन, तब विश्वविद्यालय ह 17वां नंबर म रिहिन।  

23वां स्थान म आय ले इंदिरा गांधी कृषि विश्वविद्यालय ल आईसीएआर ले पंडिंग ले म परेशानी हो सकत हे। संगेसंग डिग्री के वैल्यू म घलो कमी आय सती छात्र मन ल घलो परेशान होना पड़ सकत हे।