कोरोना वायरस संक्रमण के जांच बर आईसीएमआर ह जारी करिस नवा दिशा-निर्देश

जय जोहार रायपुर…. आईसीएमआर (इंडियन काउंसिल आफ मेडिकल रिसर्च) ह संदिग्ध करोनो वायरस ले संक्रमित मन के जांच बर नवा दिशा-निर्देश जारी करे हे। अइसे सबो व्यक्ति जे मन ह पिछिले 14 दिन म अंतरराष्ट्रीय यात्रा करे हे अऊ जेमा लक्षण नई दिखाई देत हे। ओमन ल 14 दिन के होम क्वारेंटाइन म रहे ल केहे गे हे। यदि वे बुखार या खांसी ले पीड़ित या सांस ले म कठिनाई महसूस करत हो, तभी ओखर सेंपल के जांच करे जाए। कोरोना वायरस संक्रमण पाजिटिव मरीज मन के संग रहत परिवार के सबो सदस्य मन ल होम क्वारेंटाइन म रहे ल केहे गे हे।

आईसीएमआर ह लैब म सैंपल जांच के बाद पाजिटिव पाए गे मरीज मन के संपर्क म आए अइसे सबो व्यक्ति जेमा संक्रमण के लक्षण हो, ओखर जांच करे बर केहे हे। मरीज मन के उपचार अऊ देखभाल म लगे मेडिकल स्टॉफ जेमा संक्रमण के लक्षण दिखाई देत हे अऊ श्वसन संबंधी गंभीर बीमारी के इलाज बर अस्पताल म भर्ती मरीज जेन बुखार, खांसी या सांस ले बर दिक्कत महसूस करत हे, ओखर घलो सैंपल जांच करे के निर्देश आईसीएमआर ह दे हे।