corona के कहर, प्रदेश म फेर मिले हे 1025 नवा मरीज, 502 मरीज ह होइस डिस्चार्ज
जय जोहार…. छत्तीसगढ़ म कोरोना (corona) संक्रमित मरीज मन के संख्या ह कम होय के नाम नई लेवत हे। राज्य म आज रात आठ बजे तक कोरोना के 1025 नवा मामला के पहचान होय हे।
उहचे 502 लोगन मन ह कोरोना ल मात दे दे हे, जेखर बाद ओ मन ल अस्पताल ले छुट्टी दे दे गे हे। जबकि इलाज के दौरान 6 लोगन मन के मौत हो गे हे।
आज जेन कोरोना (corona) के नवा मरीज मिले हे, ओमा रायपुर ले 343, दुर्ग ले 104, सरगुजा ले 62, राजनांदगांव ले 61, जांजगीर-चांपा ले 48, महासमुंद ले 44, बिलासपुर ले 43, बस्तर ले 40, बलौदाबाजार ले 31, मुंगेली ले 28, बेमतरा ले 27, रायगढ़ ले 24, धमतरी अऊ सुकमा ले 19-19, नारायणपुर ले 18, कोरिया ले 16, बीजापुर ले 15, बालोद ले 14, कबीरधाम अऊ कांकेर ले 12-12, सूरजपुर अऊ जशपुर ले 9-9, गरियाबंद ले 7, कोरबा अऊ बलरामपुर ले 6-6, कोण्डागांव ले 5, दंतेवाड़ा ले 2, आन राज्य ले 1 मरीज शामिल हे।
बता दन कि प्रदेश म कोरोना (corona) संक्रमित मन के संख्या ह बाढ़ के 27013 पहुंच गे हे। जेमा ले 11653 एक्टिव मामला हे।
उहचे 15109 लोगन मन ह बने होय के बाद अपन घर लहुट चुके हे। ए वायरस ले राज्य म अब तक 251 लोगन मन के जान चले गे हे।
