प्रदेश म कोरोना के 113 नवा मरीज के होइस पहचान, एक्टिव केस ह बाढ़ के होइस 939

जय जोहार…. छत्तीसगढ़ म कोरोना संक्रमित मरीज मन के संख्या ह कम होय के नाम नई लेवत हे। प्रदेश म इतवार के 113 नवा कोरोना संक्रमित मरीज के पहचान होय हे।

नवा पाजिटिव केस ह कोरबा जिले ले 44, बलरामपुर ले 22, जांजगीर-चांपा ले 14, दुर्ग, रायगढ़-रायपुर ले 6-6 मरीज, बलौदाबाजार ले तीन, गरियाबंद, बिलासपुर अऊ जशपुर ले 2-2 मरीज मिले हे। एखर पुष्टि ल कोरोना कंट्रोल एंड कमांड सेंटर ह करे हे।
गौरतलब हे कि प्रदेश म आज कोरोना संक्रमण ले दू मरीज के मौत हो गे हे। दुनो मौत ल मिला के राज्य म मौत के संख्या ह आठ पहुंच गे हे। ए बीच एक राहत भरे खबर घलो आय हे। कोरोना संक्रमित 84 मरीज मन ह कोरोना ले जंग जीत गे हे। ए मरीज मन ल प्रदेश के अलग-अलग अस्पताल ले डिस्चार्ज कर दे गे हे।
बता देन कि राज्य में कुल कोरोना संक्रमित मरीज मन के संख्या ह 1662 हो गे हे। जबकि कोरोना के सक्रिय मरीज मन के संख्या ह बाढ़ के 939 हो गे हे। वहीं 715 मरीज मन ह कोरोना ले जंग जीत के अपन घर लहुट चुके हे।