Corona: प्रदेश में फेर कोरोना के 229 नवा मामला के होइस पुष्टि, 197 मरीज मन ह जीतिस कोरोना ले जंग
जय जोहार…. छत्तीसगढ़ म कोरोना (corona) संक्रमित मरीज मन के संख्या ह कम होय के नाम नई लेवत हे। प्रदेश म आज कोरोना के 229 नवा मामला सामने आय हे।
उहचे 197 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान दू मरीज के मौत हो गे हे।
आज जेन कोरोना (corona) के नवा मरीज मिले हे, ओमा रायपुर ले 98, राजनांदगांव ले 59, बिलासपुर ले 15, बलौदाबाजार ले 14, दुर्ग ले 13, सूरजपुर ले 9, कोंडागांव ले 4, महासमुंद, गरियाबंद, रायगढ़ अउ बस्तर ले 3-3, धमतरी ले 2, कबीरधाम, कोरबा अउ सरगुजा ले 1-1 मरीज शामिल हे।
बता देन कि प्रदेश म कोरोना (corona) संक्रमित मरीज मन के कुल संख्या ह 8515 पहुंच गे हे। जेमा ले सक्रिय मामला ह 2831 हो गे हे।
उहचे 5636 मरीज मन ह कोरोना ले जंग जीत गे हे, जेखर बाद ओ मन ल डिस्चार्ज कर दे गे हे। ए वायरस ले प्रदेश म अब तक 48 लोगन मन के मौत हो गे हे।
