बलौदबाजार म कोरोना संक्रमित 30 नवा मरीज के होइस पहचान, अब एक्टिव केस बाढ़ के होइस 83

जय जोहार…. बलौदाबाजार जिला म कोरोना संक्रमित 30 नवा मरीज के पहचान होय हे। एम्स ले रिपोर्ट ह पाजिटिव आय के बाद जिला प्रशासन एखर पुष्टि ल करे हे।

आज मिले सब्बो मरीज ह बलौदाबाजार विकासखण्ड ले हे। जेमा एक मरीज ग्राम अहिल्दा ले हे। बचे सब्बो मरीज ह लवन अऊ धाराशिव ले हे। सब्बो मरीज मन ल बलौदाबाजार कोविड अस्पताल म भर्ती करे जाही। जिला म अब कोरोना ले कुल संक्रमित मरीज मन के संख्या ह 170 हो गे हे। जेमा ले सक्रिय मरीज मन के संख्या ह 83 हे। ऊहचे 87 लोगन मन ह स्वस्थ होय के बाद अपन घर लहुट चुके हे।