corona: छत्तीसगढ़ म फेर मिले हे कोरोना के 338 नवा मामला, रायपुर म सबले जादा 164 संक्रमित
जय जोहार…. प्रदेश म कोरोना (corona) संक्रमित मरीज मन के संख्या ह सरलघा बाढ़त जावत हे। राज्य म आज कोरोना के 338 नवा मरीज मन के पहचान होय हे।
उहचे 180 मरीज मन ह कोरोना ल मात दे दे हे, जेखर बाद ओ मन ल अलग-अलग कोविड अस्पताल ले डिस्चार्ज कर दे गे हे। जबकि इलाज के दौरान दू अउ लोगन मन के मौत हो गे हे।
आज जेन कोरोना (corona) के नवा मरीज मिले हे, ओमा रायपुर ले 164, राजनांदगांव ले 28, दुर्ग ले 19, बस्तर ले 18, कांकेर ले 15, कोंडागांव अउ कोरबा ले 14-14, बलरामपुर ले 11, रायगढ़ ले 10, बीजापुर अउ सरगुजा ले 9-9, सूरजपुर ले 8, जांजगीर-चांपा ले 6, जशपुर ले 3, बालोद, बलौदाबाजार, बिलासपुर अउ दंतेवाड़ा ले 2-2, महासमुंद अउ गरियाबंद ले एक-एक मरीज ह शामिल हे।
बता देन कि प्रदेश म कोरोना (corona) संक्रमित मरीज मन के कुल संख्या ह 6731 पहुंच गे हे। जेमा ले सक्रिय मरीज मन के संख्या ह 2128 हो गे हे।
उहचे 4567 मरीज मन ल बने होय के बाद डिस्चार्ज कर दे गे हे। ए वायरस ले प्रदेश म अब तक 36 लोगन मन के मौत हो गे हे।
