corona: सरलघा बाढ़त जावत हे कोरोना मामला, प्रदेश म फेर मिले हे 755 नवा मरीज
जय जोहार…. छत्तीसगढ़ म कोराना (corona) संक्रमित मरीज मन के संख्या ह कम होय के नाम नई लेवत हे। सोमवार के प्रदेश म कोरोना के 755 नवा मामला के पहचान होय हे।
उहचे 493 मरीज मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। जबकि इलाज के दौरान छह लोगन मन के मौत हो गे हे।
आज जेन कोरोना (corona) के नवा मरीज के पहचान होय हे, ओमा रायपुर ले 207, रायगढ़ ले 125, राजनांदगांव ले 59, दुर्ग ले 41, बस्तर ले 37, जांजगीर-चांपा ले 33, सुकमा ले 28, कोंडागांव ले 24, बिलासपुर ले 22, बीजापुर ले 21, सूरजपुर ले 20, मुंगेली ले 19, महासमुंद ले 17, बालोद अऊ धमतरी ले 13, सरगुजा अऊ नारायणपुर ले 11-11, बलौदाबाजार अऊ कांकेर ले 10-10, कबीरधाम अऊ कोरबा ले 8-8, गरियाबंद ले 5, दंतेवाड़ा ले4, बलरामपुर ले 3, कोरिया अऊ आन राज्य ले 2-2, गौरेला-पेंड्रा-मरवाही अऊ जशपुर ले 1-1 मरीज शामिल हे।
बता दन कि प्रदेश म कोरोना (corona) संक्रमित मरीज मन के कुल संख्या ह बाढ़ के 21732 पहुंच गे हे। जेमा ले 8105 एक्टिव मामला हे।
उहचे 13424 लोगन मन ल बने होय के बाद अस्पताल ले डिस्चार्ज कर दे गे हे। ए वायरस ले राज्य म अब तक 203 लोगन मन के मौत हो गे हे।
