Corona: देश म बीते 24 घंटा म सामने आय हे 9 हजार ले जादा नवा मरीज, पढ़व

जय जोहार…. देश म पिछिले 24 घंटा म कोरोना (Corona) के 9 हजार ले जादा नवा मामला के पहचान होय हे। उहचे इलाज के दौरान 87 मरीज के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (Corona) के 9309 नवा मरीज सामने आय हे। एला मिला के देश म कोरोना संक्रमण के मामला ह 1 करोड़ 08 लाख 80 हजार 603 हो गे हे। जेमा ले 1 लाख 35 हजार 926 एक्टिव मामला हे।

उहचे 1 करोड़ 05 लाख 89 हजार 230 मरीज मन ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 1 लाख 55 हजार 447 संक्रमित के मौत हो गे हे।