corona : राजनांदगांव म कोरोना के 8 नवा मरीज के होइस पहचान, सीएमएचओ ह करिन पुष्टि

जय जोहार…. राजनांदगांव जिला म सनिच्चर के कोरोना (corona) संक्रमित 8 नवा मरीज के पहचान होय हे। जेमा ले शहर के मध्य सदरबाजार म एक महिला मरीज के पुष्टि होय हे। एती खैरागढ़ ले 3, सोमनी आईटीबीपी ले एक अऊ मानपुर ले तीन मरीज ह मिले हे। एखर पुष्टि ल सीएमएचओ डॉ. मिथलेश चौधरी ह करे हे। सब्बो कोरोना (corona) मरीज मन ल पेंड्री स्थित मेडिकल कॉलेज म शिफ्ट करे जाय के प्रक्रिया ह चलत हे।

बता देन कि आज छत्तीसगढ़ म कोरोना (corona) के 22 नवा पाजिटिव मरीज ह मिले हे। जेमा बलौदाबाजार म 8, राजनांदगांव म आठ, रायपुर म तीन, दुर्ग म 2 अऊ धमतरी म एक मरीज शामिल हे। एला रायपुर एम्स ह ट्वीट कर जानकारी दे हे।