बेमेतरा म कोरोना के दू संक्रमित मन के होइस पहचान, ब्लाक मेडिकल आफिसर ह करिन पुष्टि

जय जोहार…. बेमेतरा जिला म बीते रात कोरोना के दू संक्रमित मरीज मन के पहचान होय हे। संक्रमित मरीज म एक स्वास्थ्य कर्मचारी हे, त दूसर ह सीएचओ हे। एखर पुष्टि ल ब्लॉक मेडिकल आफिसर डॉ. एके वर्मा ह करे हे। जानकारी के मुताबिक दुनो कर्मचारी मन के कुछु दिन पहिले स्वाब सैम्पल ल जांच बर भेजे गे रहिस। जेखर बाद बीते रात के एखर रिपोर्ट ह पाजिटिव आय हे। दुनो कर्मचारी ह अमलीडीह कन्टेनमेंट जोन म कार्यरत रहिस।