आईजी ह थाना प्रभारी समेत 15 पुलिस कर्मी मन ल करिस पुरस्कृत, देखव पूरा सूची  

जय जोहार वाड्रफनगर…. लॉक डाउन के दौरान पूरा मुस्तैदी ले ड्यूटी करइया वाला मन ल सरगुजा रेंज आईजी रतनलाल डांगी ल पुरस्कृत करे हे। आईजी ह पुरस्कार के रूप म चयनित पुलिस कर्मी मन ल नगद राशि दे हे। आईजी ह जे मन ल पुरस्कृत करे हे, ओमा बलरामपुर जिला के बसंतपुर थाना प्रभारी अनुरंजन लकड़ा, वाड्रफनगर चौकी प्रभारी सुनील तिवारी समेत 15 पुलिस कर्मी शामिल हे।

आप मन ल बता देन कि बीते दिनों लॉक डाउन के दौरान आईजी रतनलाल डांगी ह औचक निरीक्षण करे ल अंतर्राज्यीय सीमा धनवार पहुंचे रहिस, जिहां तैनात पुलिस कर्मी मन के मुस्तैदी ले ड्यूटी करते देख खासा प्रभावित होए रहिस। जेखर बाद पुलिस कर्मी मन ल प्रोत्साहित करे बर आईजी ह ईमानदारी ले ड्यूटी करइया पुलिस कर्मी मन ल इनाम दे के घोसना करे रहिस।