Raipur : आईएचएम के छात्र-छात्रा ह नुक्कड़ नाटक ले बताइन मिलेट के महत्व

जय जोहार। होटल प्रबंधन संस्थान (आईएचएम) रायपुर (Raipur) के छात्र-छात्रा ह आज मिलेट कार्निवाल म नुक्कड़ नाटक के प्रस्तुति ले रोजाना के खान-पान म मिलेट्स के महत्व ल बताइन।

रायपुर के नेताजी सुभाष स्टेडियम म छत्तीसगढ़ राज्य लघुवनोपज संघ अउ आईआईएमआर हैदराबाद के संयुक्त तत्वाधान म आयोजित मिलेट कार्निवाल के तीसरइया दिन आईएचएम के छात्र-छात्रा डहार ले मिलेट के फायदा म केंद्रित नुक्कड़ नाटक के प्रस्तुति दीन । नाटक म एक ठीन गांव के चित्रण करे गे रिहीन, जिहां पानी के कमी हे, एखर सेती ले गांव म अच्छा फसल नई हो पात, गांव के किसान के सामने ये बड़का चुनौती हे कि अइसे कोन सा फसल ले सकत हे , जेखर उत्पादन कमती पानी म घलो अच्छा होवय।

ए बीच गांव म डॉक्टर दीदी आवत हे , सबो ग्रामीण ह अपन ए समस्या ले ओमन ल अवगत करावत हे अउ ओखर ले समाधान पूछत हे, जे मा डॉक्टर दीदी बतात हे कि कोदो, कुटकी, रागी जइसे मिलेट्स के फसलें ल कमती पानी म अच्छा तरह ले उगाए जा सकत हे , जिला जानके ग्रामीण खुस हो जात हे अउ मिलेट के खेती करे ल सुरू कर देत हे । आईएचएम के विभागाध्यक्ष प्रिया शर्मा अउ सिक्षक खिलेश पटेल के मार्गदर्सन म 13 झन छात्र-छात्रा डहार ले ए नुक्कड़ नाटक के प्रस्तुति दे गीन । नाटक के प्रस्तुतिकरण के मनखे मन ह खूब इंजॉय करीन।