जय जोहार। भारत के अग्रणी इंजीनियरिंग संस्थान आईआईटी बॉम्बे ह (chhattisgarh) रायगढ़ जिला म संचालित कई ठीन आजीविका मूलक गतिविधि ल बेहतर बनाय ल तकनीकी सहयोग अउ कंसल्टेट प्रदान करही। एखर मदद ले उत्पाद म विविधता, गुणवत्ता अउ लागत ल कमती कर उत्पाद ल जादा लाभकारी बनाय जाही । एखर संगेसंग आजीविका गतिविधि ले जुड़े महिला मन ल तकनीकी प्रसिक्षण अउ व्यवसायिक ट्रेनिग दे ल जइसे पहलु म घलो काम करे जाही ।
आईआईटी बॉम्बे के सेण्टर फॉर टेक्नोलॉजी अल्टरनेटीव्स फॉर रूरल एरियाज के प्रोफेसर बकुल राव के नेतृत्व म 3 सदस्य मन के टीम ह रायगढ़ जिला के दउरा म हे । (chhattisgarh) इहां ये टीम ह गौठान अउ ग्रामीण इलाका म महिला समूह के काम अउ स्थानीय परम्परागत उत्पाद ल तैयार करे जाय के तरीका के अध्ययन करत हे ।
आईआईटी बॉम्बे के टीम ह जिला के कलेक्टर भीम सिंह अउ सीईओ जिला पंचायत डॉ.रवि मित्तल के संग आजीविका संवर्धन ले जुड़े विभाग के जिलाधिकारी के संग बइठक करीन अउ जिला म संचालित कई ठीन गतिविधि ल तकनीकी रूप ले बेहतर बनाय के संभावना म चर्चा करीन ।
