सेल्फी लिस इला अरुण ह , बारात ले के आ जा के कलाकार मन संग मिलिस

जय जोहार रायपुर…जाने माने पॉप अऊ सूफी गायिका इला अरुण छत्तीसगढ़ आय रिहिस, वइसे तो वो ह पुरखौती मुक्तांगन देखे बर आय रिहिस, लेकिन जब ओला पता चलिस कि छत्तीसगढ़ी फिलिम के शूटिंग होवत हे त वो स्वयं कलाकार मन से मिले बर सेट म पहुँच गे अऊ गाना के शूटिंग देखिस अऊ कलाकार मन संग सेल्फी लिस.

शूटिंग देख के इला ह किहिस कि अतना बड़े सेट अऊ अतना कलाकार मन ल आप मन कतना सहज ढंग ले ओपरेट करत हो, मोला बहुत ख़ुशी होईस कि में तुमन ले मिल पाये हव.

बरात ले के आजा के निर्माता बंटी गुप्ता हे अऊ निर्देशक धर्मेन्द्र चौबे हे, एमा मुख्य भूमिका म रियाज खान अऊ आस्था दयाल हावे, फिलिम के मेकअप अऊ कोरियोग्राफी विलास राउत करत हे, इला ह सब्बो कलाकार मन संग मिलिस अऊ बहुत अच्छा महसूस करे के बात वो ह किहिस.