प्रदेश म कोनो तरह ले अवैधानिक गतिविधि मन ल बर्दाश्त नई करे जाही: शैलेश नितिन त्रिवेदी

जय जोहार रायपुर…. मुंगेली म गुरुवार के जेन तरीका ले कानून ह अपन काम करिन अऊ एखर बाद कांग्रेस पार्टी ह जेन निर्णय लिस। एखर ले साफ हे कि न त राज्य सरकार कोनो गलत काम ल बर्दाश्त करही अऊ न ही कांग्रेस पार्टी कोनो अवैधानिक गतिविधि मन ल संरक्षण देही।

कांग्रेस संचार विभाग के अध्यक्ष शैलेश नितिन त्रिवेदी ह कहिन कि ये भाजपा के सरकार नई हे, जेमा 15 साल तक सिर्फ अपराधी अऊ खासकर शराब तस्कर अऊ कोचिया मन ल ही संरक्षण दे जात रहिस। शराब लाने के आरोपी ल न केवल गिरफ्तार करे गे हे। बल्कि एफआईआर घलो दर्ज करे गे हे। मुख्यमंत्री भूपेश बघेल अऊ कांग्रेस संगठन ह ये स्पष्ट संकेत दे दे हे कि राज्य म अईसे गतिविधि मन बर कोनो जगह नई हे, फेर चाहे वो कोई घलो हो। गलत करइया ल कोनो सूरत म बख्शा नई जाही।