जय जोहार। (Raipur ) मुख्यमंत्री भूपेश बघेल के निर्देस म दिव्यांगजन के समस्या के समाधान बर सुरू करे गे टोल फ्री नंबर के फायदा दिव्यांगजन ल मिले ल लगे हे । टोल फ्री नंबर 155-326 नंबर अउ हेल्पलाइन नंबर +91-1800-233-8989 म डॉयल करत ही समाज कल्याण विभाग डहार ले तुरंत ओखर समस्या के समाधान करे जावत हे । अब तक 6 हजार 522 मनखे मन के कॉल्स के निराकरण करे जा चुके हे ।
धमतरी जिला के ग्राम पंचायत गुजरा के 28 बछर के अस्थिबाधित सुनीति साहू, 20 बछर के दिव्यांग एस. कुमार निषाद अउ दिव्यांग नीरा बाई साहू डहार ले टोल फ्री नंबर म फोन करे के 24 घंटा म ही सहायक उपकरण प्रदाय योजना के तहत घर पहुंच सेवा ले व्हील चेयर दे गेहे ।
गौरतलब हे कि समाज कल्याण विभाग डहार ले वृद्धजन, दिव्यांगजन अउ तृतीय लिंग के व्यक्ति के सहायता बर टोल फ्री नंबर 155-326 अउ हेल्पलाइन नंबर +91-1800-233-8989 जारी करे गेहे । ए नवा सुविधा ले महतारी एक्सप्रेस-102, मेडिकल हेल्पलाइन 104 अउ आपातकालीन सेवा बर जारी नंबर 112 ल घलो जोड़ दे गेहे। ए नंबर म डायल कर हितग्राही ह अपन समस्या अउ मांग ले विभाग ल अवगत करा सकत हे ।
हेल्पलाईन अउ टोल फ्री नम्बर के माध्यम ले विभागीय योजना के जानकारी के संग आपातकालीन सेवा, परामर्स, सिकायत, पेंसन भुगतान के निराकरण जइसे कई ठीन मदद ले जा सकत हे ।
Other Articles
CM Bhupesh Baghel ह पंडित श्यामाचरण शुक्ल के जयंती म करीन याद
chhattisgarh म 65 लघु वनोपज के समर्थन मूल्य म होवत हे खरीदी, पढ़व
No Comment! Be the first one.