प्रदेस म सरलगहा होवत हे स्वास्थ्य सेवा के विस्तार
रायपुर. मुख्यमंत्री विष्णुदेव साय के घोसना के सती स्वास्थ्य सेवा के क्षेत्र म जशपुर जिला ल दू बड़का सुविधा मिले हे। मुख्यमंत्री के धर्मपत्नी कौशल्या साय ह आज सीएम कैंप बगिया म दू एंबुलेंस अऊ एक शव वाहन ल हरी झंडी दिखाके जरूरतमंद मरीज मन के सेवा बर रवाना करिन। एंबुलेंस दुलदुला ब्लॉक के करडेगा अऊ फरसाबहार ब्लाक के कोल्हेनझरिया म सेवा दिही। उहें मुक्तांजली वाहन दुलदुला म सेवा प्रदान करे बर तैनात रही।
बता देन कि एक दिन पहिली इतवार के दिन दुलदुला म आयोजित मतदाता अभिनंदन समारोह म मुख्यमंत्री विष्णुदेव साय ह घोसना करे रिहिन। एक घोसना ल 24 घंटा के बेरा नई हो हे अऊ जिला वासी मन ल एम्बुलेंस के संगे-संग शव वाहन के घलो सुविधा मिल गे।
इहू बात उल्लेखनीय हे कि मुख्यमंत्री श्री साय के पहल ले दिसंबर 2023 ले अब तक जिला ल 7 एंबुलेंस अऊ 1 शव वाहन मिल गे हे। एखर ले मरीज मन के सेवा म लगे एंबुलेंस के संख्या जिला म बाढ़ के 21 हो गे हे। एखर संगे संग कुनकुरी म 220 बिस्तर के क्षमता वाला सर्वसुविधा युक्त अस्पताल निर्माण के घोसना पहिले ले करे जा चुके हे। जिला के 7 उप-स्वास्थ्य केन्द्र मन ल प्राथमिक स्वास्थ्य केन्द्र के दर्जा देत जरूरी मानव संसाधन जुटाए के घलो स्वीकृति मिल गे हे।
Other Articles
साय सरकार के 6 महीना के रिपोर्ट कार्ड
