chhattisgarh : मंत्री परिसद के होय हे बइठक, लीन हे कई ठीन निर्णय, 5 ले 6 बच्छर के लईका मन बर सुरु होही बालवाड़ी, पढ़व
जय जोहार। (chhattisgarh) मुख्यमंत्री भूपेश बघेल के अध्यक्षता म आज रईपुर म ओखर निवास कार्यालय म मंत्री परिसद के बइठक होइन हे। एमा निम्न कई ठीन निर्णय ले गेहे ।
- तृतीय अनुपूरक अनुमान बच्छर 2021-22 के विधानसभा म उपस्थापन के संबंध म छत्तीसगढ़ विनियोग विधेयक 2022 के अनुमोदन करे गेहे ।
- बजट अनुमान बच्छर 2022-23 के विधानसभा म उपस्थापन बर छत्तीसगढ़ विनियोग विधेयक 2022 के अनुमोदन करे गेहे ।
- छत्तीसगढ़ (chhattisgarh) अनाधिकृत विकास के नियमितिकरण अधिनियम 2002 म संशोधन बर छत्तीसगढ़ अनधिकृत विकास के नियमितिकरण विधेयक 2022 के अनुमोदन करे गेहे ।
- संचालनालय आयुष के अंतर्गत कई ठीन जिला म फार्मासिस्ट के रिक्त पद के भर्ती करे जाय बर भर्ती परिणाम के वैधता ल एक बच्छर बर बढ़ाय जाय के निर्णय ले गेहे ।
- (chhattisgarh) राज्य के 6536 स्थान म जिहां आंगनबाड़ी केंद्र ह स्कूल परिसर म हे, उहाँ 5 ले 6 बच्छर के लईका मन बर बालवाड़ी प्रारंभ करे जाय के स्कूल शिक्षा विभाग के प्रस्ताव म अनुमोदन करे गेहे । एखर ले राज्य के 5-6 बच्छर के आयु समूह के 3,23,624 विद्यार्थी म ले 68,054 विद्यार्थी सेक्षणिक सत्र 2022-23 ले लाभान्वित होही ।
- छत्तीसगढ़ औद्योगिक भूमि अउ प्रबंधन नियम 2015 के अंतर्गत उद्योग विभाग डहार ले आवंटित अविकसित / लैंड बैंक के भूमि ल फ्री होल्ड करे जाय म दर के निर्धारण के संबंध म नियमावली के कंडिका म समावेश बर संशोधन प्रस्ताव के अनुमोदन करे गेहे ।
- छत्तीसगढ़ सासन भण्डार क्रय नियम 2002 म संशोधन करे के प्रस्ताव के अनुमोदन करे गेहे । जेखर तहत बीज अउ कृषि विकास निगम ल कृषि विभाग अउ समान प्रकृति के दूसर विभाग बर आवश्यक वस्तु के दर निर्धारण बर अधिकृत करे गेहे ।
- राज्य के औद्योगिक नीति 2019-24 के अंतर्गत मेसर्स व्हीटेक प्लास्टिक प्राइवेट लिमिटेड डहार ले प्लास्टिक उत्पाद उद्योग अउ मेसर्स एसबीटी प्राइवेट लिमिटेड डहार ले टेक्सटाइल उद्योग के स्थापना बर बिसेस निवेश प्रोत्साहन पैकेज निर्धारण बर प्रस्ताव के अनुमोदन करे गेहे ।
- राज्य प्रसासनिक सेवा संवर्ग के (कनिष्ठ श्रेणी) वेतनमान ले वरिष्ठ श्रेणी (संयुक्त कलेक्टर) वेतनमान म पदोन्नत करे के प्रस्ताव के अनुमोदन करे गेहे ।
10 . नगरीय क्षेत्र म सासकीय भूमि आवंटन, अतिक्रमित भूमि के व्यवस्थापन अउ भूस्वामी हक प्रदान करे के नवा प्रावधान के अनुमोदन करे गेहे ।
- वित्तीय बच्छर 2022-23 म राज्य के 10 आकांक्षी जिलों( कोरबा, राजनांदगांव, महासमुंद, कांकेर, नारायणपुर, दंतेवाड़ा, बीजापुर, बस्तर, कोण्डागांव, सुकमा) अउ 02 हाई बर्डन जिला (कबीरधाम एवं रायगढ़ ) म मार्च 2022 ले राज्य योजना के राशनकार्ड धारी मन ल फोर्टिफाईड चावल वितरित करे के निर्णय ले गेहे ।
