प्रभारी मंत्री ताम्रध्वज साहू ह खनिज न्यास निधि ल लेके वीडियो कान्फ्रेंसिंग ले करिन बइठक
जय जोहार। बिलासपुर जिला के खनिज न्यास निधि ल लेके प्रभारी मंत्री ताम्रध्वज साहू ह मंगलवार के वीडियो कांफ्रेंसिंग ले जनप्रतिनिधि अऊ अधिकारी मन के बइठक लिस। जेमा चार विधानसभा के विधायक अऊ अधिकारी ह मौजूद रहिस। बइठक म खनिज न्यास निधि के खाती करे जवइया खर्च के प्रस्ताव के समीक्षा करे गिस अऊ सर्वसम्मति ले मंजूरी घलो दे गिस। बइठक म बिलासपुर विधायक शैलेश पांडे ह जिला प्रशासन के अधिकारी मन म नाराजगी घलो व्यक्ति करिस। विधायक के कहना रहिस कि प्रस्ताव ल अधिकारी ह बइठक के दौरान ही प्रस्तुत कर देत हे। ए म जनप्रतिनिधि मन ले कोनो चर्चा नई होवत हे।
