chhattisgarh म कोरोना टीकाकरण बर पात्र 60 प्रतिसत आबादी ल लगीन हे दूनों टीका

जय जोहार। छत्तीसगढ़ (chhattisgarh ) म कोरोना टीकाकरण बर पात्र 60 प्रतिसत आबादी ल दूनों टीका लगाय जा चुके हे। उहें 95 प्रतिसत मनखे मन ह एखर पहलइया टीका ल लगवा लेहे। कोरोना वैक्सीन के पहलइया अउ दुसरइया खुराक ल मिलाके प्रदेस म अब तक (26 दिसम्बर तक) तीन करोड़ पांच लाख 43 हजार 504 टीका लगाय गेहे ।

प्रदेस म एक करोड़ 87 लाख 47 हजार 763 मनखे मन ल कोरोना ले बचाव के पहलइया टीका ल लगाय जा चुके हे । (chhattisgarh ) पहलइया डोज के सत-प्रतिसत कवरेज ले प्रदेश अब केवल पांच प्रतिसत दूर हे। प्रदेश म कोरोना टीकाकरण बर पात्र मनखे मन के संख्या एक करोड़ 96 लाख 51 हजार हे।

राज्य के 60 प्रतिसत मनखे मन ल कोरोना ले बचाव बर दूनों टीका ल लगाय जा चुके हे। इहां एक करोड़ 17 लाख 95 हजार 741 मनखे मन ल एखर दूनों टीका लग गेहे । (chhattisgarh ) कोरोना टीकाकरण के सत-प्रतिसत लक्ष्य जल्दीच हासिल करे बर प्रदेस भर म तेजी ले टीकाकरण करे जात हे ।