chhattisgarh म 18 बच्छर ले ऊपर के 75 प्रतिसत आबादी ल कोरोना ले बचाव के लगीन हे दूनों टीका, पढ़व

जय जोहार…. छत्तीसगढ़ (chhattisgarh) म कोरोना संक्रमण ले बचाव बर मनखे मन के तेजी ले टीकाकरण करे जावत हे। प्रदेस म एक करोड़ 46 लाख 80 हजार 330 मनखे मन ल कोरोना ले बचाव के दूनों टीका लगाय जा चुके हे। ये प्रदेस म टीकाकरण बर पात्र 18 बच्छर ले ऊपर के आबादी के तीन चौथाई यानि 75 प्रतिसत हे ।

(chhattisgarh) राज्य म दो लाख 79 हजार 324 स्वास्थ्यकर्मी, फ्रंटलाइन वर्कर अउ 60 बच्छर ले जादा के मनखे मन ल प्रिकॉसन डोज घलो लगाय जा चुके हे। राज्य म 18 बच्छर ले ऊपर के करीबन सत-प्रतिसत अउ 15 ले 18 बच्छर के 62 प्रतिसत जनसंख्या ल पहलइया टीका लग चुके हे।

इहां 18 बच्छर ले ऊपर के एक करोड़ 95 लाख 74 हजार 606 मनखे अउ 15 ले 18 बच्छर के दस लाख 21 हजार 436 किसोर मन ल कोरोना वैक्सीन के पहलइया टीका ल लगाय जा चुके हे । (chhattisgarh) उहें 15 ले 18 बच्छर उमर वर्ग के एक लाख 96 हजार 092 लईका मन ल दूनों टीका लगाय जा चुके हे। दूनों उम्र वर्ग म पहलइया, दूसरइया अउ प्रिकॉसन डोज ल मिलाके प्रदेस भर म अब तक (4 फरवरी तक) कुल तीन करोड़ 57 लाख 51 हजार 788 टीका लगाय गेहे ।