chhattisgarh ; राज्य सरकार ह करीन 3 बच्छर म समर्थन मूल्य म खरीदी बर लघुवनोपज के संख्या ल 7 ले बढ़ाके 61, पढ़व

जय जोहार । (chhattisgarh) मुख्यमंत्री भूपेश बघेल के मंसा के अनुरूप प्रदेस के वनवासी मन के हित ल धियान म रखत हुये राज्य सरकार डहार ले छत्तीसगढ़ म वर्तमान म समर्थन मूल्य म 61 लघु वनोपज के खरीदी ल करे जावत हे । वन अउ जलवायु परिवर्तन मंत्री मोहम्मद अकबर ह बताइन कि अइसने छत्तीसगढ़ म लगभग तीन बच्छर म समर्थन मूल्य म खरीदीबर लघु वनोपज के संख्या ल 7 ले बढ़ाके 61 कर दे गेहे ।

गौरतलब हे कि राज्य सरकार डहार ले छत्तीसगढ़ ((chhattisgarh) ) म निर्धारित समर्थन मूल्य के तहत 52 ले बढ़ाय गये 61 लघु वनोपज म हर्रा बाल, महुआ फूल कच्चा (फूड ग्रेड), झाडू छिंद (घास), कोदो, कुटकी (काला), कुटकी (भूरा), रागी, अमचूर (सफेद) तथा अमचूर (भूरा) नवा लघु वनोपज सामिल हे । निर्धारित समर्थन मूल्य के अनुसार एमा हर्रा बाल 30 रुपिया , महुआ फूल कच्चा (फूड ग्रेड) 10 रुपिया , झाडू छिंद (घास) 15 रुपिया , कोदो 30 रुपिया, कुटकी (काला) 30 रुपिया, कुटकी (भूरा) 30 रुपिया, रागी 33.77 रुपिया, अमचूर (सफेद) 120 रुपिया अउ अमचूर (भूरा) 80 रुपिया प्रति किलोग्राम के दर म खरीदी करे जाही ।

ए संबंध म प्रबंध संचालक छत्तीसगढ़ राज्य लघु वनोपज संघ संजय शुक्ला ह बताइन कि राज्य म वर्तमान म समर्थन मूल्य के अंतर्गत खरीदी करे जावत लघु वनोपजों में संग्रहण दर मालकांगनी बीज (सूखा) 100 रुपिया, बायबडिंग 94 रुपिया, कालमेघ/भूईनीम (सूखा) ग्रेड-1-35 रुपिया, कालमेघ/भूईनीम (सूखा) ग्रेड-2-31.50 रुपिया, आंवला (बीज रहित) सूखा 57 रुपिया प्रति किलोग्राम निर्धारित हे।

अइसने रंगीनी लाख/छिली लाख (सूखा) 220 रुपिय, रीठा फल (सूखा) 14 रुपिया, वन जीरा बीज 70 रुपिया, सतावर जड़ (सूखा) 107 रुपिया, चरौटा बीज ग्रेड-1-16 रुपिया, चरौटा बीज ग्रेड-2-14.50 रुपिया, शहद 225 रुपिया अउ नागरमोथा (सूखा) 30 रुपिया प्रति किलोग्राम निर्धारित हे ।