गाना म बनत हे टिक टाक, आय बर ससुराल बाचे हे दू दिन, टीम ह दे हे झारा झारा न्योता

माँ कामना फिल्म्स के छत्तीसगढ़ी फिलिम ससुराल ह तीन जनवरी के रिलीज होवत हे, ये फिलिम के प्रमोशन म धूम मच गे हे करन खान से लेके जम्मो कलाकार मन संग फिलिम के निर्माता निर्देशक अऊ पूरा छत्तीसगढ़ के लोगन मन ससुराल के गाना अऊ संवाद ल देखे अऊ सुने हे, पहिली बार हे जब कोई छत्तीसगढ़ी फिलिम के प्रमोशन अतना झन करे हे, वो कोई भी कलाकार हो चाहे ससुराल म काम करे हो या ना करे हो सब मन खुद हो के टिक टाक बनावत हे अऊ फिलिम ल ज्यादा ले ज्यादा देखे के अपील करत हे, मशहूर अभिनेत्री राखी ह घलो ससुराल के गाना म टिक टाक बनाय हे.

ये फिलिम म करन खान के जबर अभिनय हे अऊ सोनाली सहारे,मनीषा वर्मा, प्रदीप शर्मा,ललित उपाध्याय,गायत्री निषाद ह घलो अपन अदाकारी के प्रमाण दे हे, अवैय्या तीन जनवरी के छत्तीसगढ़ के सत्रह सिनेमाघर म एक साथ प्रदर्शित होवत हे ससुराल, छत्तीसगढ़ के जाने माने यू टयुबर मन घलो करन खान संग ये फिलिम के प्रमोशन करे हे.