अच्छी पहल: आश्रम अउ छात्रावास म सीधा बाड़ी ले जाही सब्जी

धमतरी।  जिला के आश्रम अउ छात्रावास मन म अब राज्य सरकार के सुराजी गांव योजना के तहत बाड़ी ले सब्जी के आपूर्ति करे जाही। येला लेके कलेक्टर रंजत बंसल ह एकलव्य आवासीय विद्यालय म इतवार के जिला के जम्मो 54 आश्रम अउ छात्रावास के अधीक्षक मन के संग समीक्षा बईठक करिन हे।

बईठक म कलेक्टर ह कहिन कि किसान बाजार म दू काउण्टर जैविक उत्पाद वाले सब्जी के खोले गे हे , जिहां पूरी तरह रसायनमुक्त सब्जी बेचे जाथे। सब्जी ल पहुंचाय बर महिला स्वसहायता समूह ल जोड़े जाही। एकर बर कलेक्टर ह सहायक आयुक्त आदिवासी विकास के कार्ययोजना तियार करने के निर्देश दिन हे। बईठक म  कलेक्टर बंसल ह जिला म संचालित आश्रम अउ छात्रावास मन म समुचित व्यवस्थापन, देखभाल, रखरखाव, विभागीय गतिविधियां अउ योजना के क्रियान्वयन म उल्लेखनीय कार्य करईया तीन छात्रावास अधीक्षक मन ल सम्मानित घलोक करिन हे।

कलेक्टर ह छात्रावास अधीक्षक मन के संग भूंइया म बईठके मध्यान्ह भोजन करिस हे। इही दउरान विद्यार्थी मन ल घलो रोज अईसने गुणवत्तापूर्वक स्वादिष्ट भोजन दे बर छात्रावास अधीक्षक मन ल निर्देशित करिन हे।