बजट म पूर्व मंत्री बृजमोहन अग्रवाल ह सरकार म कसे हे तंज, कहिन- नीति अऊ नियत  दुनो ठीक नई

जय जोहार रायपुर…. मुख्यमंत्री भूपेश बघेल के पेश करे गे बजट म प्रतिक्रिया व्यक्त करत पूर्व मंत्री अऊ भाजपा विधायक बृजमोहन अग्रवाल ह ये बजट ल छत्तीसगढ़ ल पीछे ले जाए वाला बजट करार दे हे। वो हा तंज कसत कहिन कि सरकार के नीति अऊ नियत दुनो ठीक नई हे।

ये बजट म युवा मान, महिला मन, विद्यार्थी मन अऊ किसान मन बर कुछु घलो नई हे, जेन वादा के दम म कांग्रेस ह सरकार बनाए हे, ये अपन वादा ले घलो मुकरत नजर आत हे। कृषि बर परंपरागत बजट हर बार के तरह हे, कोनो विशेष योजना नई लाए गे हे। बृजमोहन अग्रवाल ह कहिन कि ये बजट म नवा कुछु घलो नई हे, बल्कि पूंजीगत व्यय बहुत कम हे, ये केंद्र म निर्भर बजट प्रतीत होत हे।