जय जोहार…. छत्तीसगढ़ (chhattisgarh) म कोरोना संक्रमण ले बचाव बर 18 बच्छर ले जादा के 70 प्रतिसत आबादी ल कोरोना के दूनो टीका लगाय जा चुके हे। प्रदेस में अब तक (24 जनवरी तक) ए आयु वर्ग के एक करोड़ 37 लाख 16 हजार 317 मनखे मन ल कोरोनारोधी टीका के दूनो खुराक दे जा चुके हे।
(chhattisgarh) राज्य में 18 बच्छर ले जादा के 99 प्रतिसत अउ 15 ले 18 बच्छर के 57 प्रतिसत जनसंख्या ल पहलइया टीका लग गेहे। इहां 18 बच्छर ले जादा के एक करोड़ 94 लाख 50 हजार 785 मनखे अउ 15 से 18 बच्छर के नौ लाख 34 हजार 216 किसोर मन ल कोरोना वैक्सीन के पहलइया टीका ल लगाय जा चुके हे।
दूनो उमर वर्ग म पहलइया, दुसरइया अउ प्रिकॉसन डोज ल मिलाके प्रदेस (chhattisgarh) भर म अब तक कुल तीन करोड़ 42 लाख 82 हजार 550 टीका लगाय गेहे । प्रदेस म एक लाख 81 हजार 232 स्वास्थ्यकर्मी, फ्रंटलाइन वर्कर अउ 60 बच्छर ले जादा के मनखे मन ल प्रिकॉसन डोज घलो लगाय जा चुके हे।
