chhattisgarh म 18 बछर ले जादा के 86 फीसद आबादी ल कोरोना वैक्सीन के लगीन हे दूनों टीका
जय जोहार। कोरोना संक्रमण ले बचाव बर (chhattisgarh) प्रदेस म 18 बछर ले जादा के 86 प्रतिशत अउ 15 ले 18 बछर के 48 प्रतिशत आबादी ल कोरोना वैक्सीन के दूनों टीका लगाय जा चुके हे । दूनों उमर वर्ग म एक करोड़ 68 लाख 47 हजार 820 अउ सात लाख 89 हजार 423 मनखे मन ल टीका के दूनों खुराक दे जा चुके हे ।
प्रदेस म अब तक (4 अप्रैल तक) एक करोड़ 76 लाख 37 हजार 243 मनखे ह कोरोनारोधी टीका के दूनों खुराक ले चुके हे । (chhattisgarh) उहें चार लाख 40 हजार 754 स्वास्थ्य कर्मी, फ्रंटलाइन वर्कर अउ 60 बछर ले जादा के मनखे मन ल प्रिकॉशन डोज लगाय गेहे। प्रदेस म 12 से 14 बछर के चार लाख 13 हजार 301 लईका मन ल कोरोना ले बचाव के पहला टीका लगाय जा चुके हे।
(chhattisgarh) राज्य म 18 बछर ले जादा के करीबन शत-प्रतिशत अउ 15 ले 18 बछर के 69 प्रतिशत जनसंख्या ल पहला टीका लग गेहे। इहां 18 बछर ले जादा के एक करोड़ 98 लाख 39 हजार 909 मनखे अउ 15 ले 18 बछर के 11 लाख 34 हजार 701 किशोर मन ल कोरोना वैक्सीन के पहला टीका लगाय जा चुके हे । प्रदेस म ए दूनों आयु वर्ग म दूनों टीका, प्रिकॉशन डोज अउ 12 से 14 बछर के लईका मन ल मिलाके प्रदेस भर म अब तक कुल तीन करोड़ 94 लाख 65 हजार 908 टीका लगाय गेहे ।
