![Raipur : तीन दिनी सांसद खेल महोत्सव के होगे सुभारंभ, अंतर्राष्ट्रीय पहलवान ह करीन उद्घाटन cg 12](https://jayjohar.com/wp-content/uploads/2023/01/cg-12.jpg)
Raipur : तीन दिनी सांसद खेल महोत्सव के होगे सुभारंभ, अंतर्राष्ट्रीय पहलवान ह करीन उद्घाटन
जय जोहार। तीन दिन के सांसद खेल महोत्सव के उद्घाटन आज पूर्व मुख्यमंत्री डॉ. रमन सिंह अउ अंतर्राष्ट्रीय पहलवान -अर्जुन अवार्ड ले सम्मानित कृपा शंकर पटेल ह करीन । उद्घाटन कार्यक्रम म केपीएस सरोना अउ शा.उ.मा. विघालय मोवा के बीच फूटबाल के पहिले मैच ल किक मारके उद्घाटन करे गीन।
ए अवसर म अर्जुन अवार्ड ले सम्मानित अंतर्राष्ट्रीय कोच कृपा शंकर पटेल ह किहीन कि खेल म आखरी 10 सेकेण्ड घलो महत्वपूर्ण होत हे । ये मेहा अपन अंतर्राष्ट्रीय खेल जिनगी म सीखे हंव। वोहा अपन अंतर्राष्ट्रीय खेल के उदाहरण देत हुए किहीन कि ओखर मुकाबला नायजिरिया के पहलवान के संग रिहीन , जेन ओखर ले सीनियर रिहीन । सुरुवात म वोहा मोर ले बढ़त हासिल कर ले रिहीन थी। आखिरी 10 सेकेण्ड ले पूर्व मैच के स्कोर 5-3 रिहीन । नायजिरियन खिलाड़ी ल लगीन कि अब 10 सेकेण्ड म का होही अउ आसानी ले जीत जाही । लेकिन तब मेहा हनुमानजी के नाव लेके एक जोरदार पंच मारेव, एखर ले नायजिरियन खिलाड़ी ह क्रोधित होगे अउ मोला ओला पटके के मउका मिल गे । एखर ले मोला 3 अंक मिल गे अउ 6-5 ले मेहा गोल्ड मेडल जीत गेंव।
कार्यक्रम म सांसद सुनील सोनी ह बताइन कि रायपुर म पहली घांव 3 दिवसीय सांसद खेल महोत्सव के आयोजन करे जात हे जेमा कबड्डी, खो-खो, वॉलीबाल, फूटबाल और 100 मीटर, 200 मीटर दौड़, गोला फेंक अउ तवा फेंक के आयोजन करे गेहे। एमा दू ठीन अलग-अलग वर्ग रखे गेहे । पहला वर्ग अंडर 16 अउ दूसरा अंडर 19 रखे गेहे। व्यक्तिगत स्पर्धा म घलो बालक अउ बालिका वर्ग रखे गेहे।